هاعيشلك ياالهى

هاعيشلك



1-بضحك عليك ولا انا بضحك على نفسى
بقول هاعيشلك يا رب واقول لنفسى انسى

فى كل يوم بقول هاعيشلك من النهاردة
ولما اقرب منك خطوة الاقينى ببعد الف ياردة
... وقلبى عامل زى الحجر ومشاعرى باردة
وخلاص تعبت يا رب من كتر المناهدة

اقول هاعيشلك معرفشى
اقول هاسيبك مقدرشى
واقف فى مكانى واغمض عينى
وكانى اعمى ومبشوفشى
+++++++++++++++++++++++++++++++
2-بضحك عليك ولا انا بضحك على نفسى
بقول هاعيشلك يا رب واقول لنفسى انسى

وكل يوم بقول هتكمل الحكاية
وكل لحظة تعدى بحلم بيك معايا
واول ما روحى تلمسك واشوف شفايا
الاقى حاجة تشدنى وتقول كفاية

ايام بتجرى وتعدى
وحياتى تهرب من يدى
وبنسى كلامى وتضيع احلامى
وفرحى بيك لية ما يكملشى
++++++++++++++++++++++++++++++++++



3-بضحك عليك ولا انا بضحك على نفسى
بقول هاعيشلك يا رب واقول لنفسى انسى

وكل يوم جوايا يصرخ الف صوت
غرقان فى بحر وحاسس انى خلاص هاموت
واول ما احاول اطلع تكتفنى الخيوط
وكانى عايش جوة شبكة عنكبوت

واحاول اطلع مطلعشى
ما اهو اصل لوحدى مينفعشى
ولما اعرف قيمة نفسى
الاقينى يا رب عليك بمشى