التدخين خطية أم شبه خطية ؟

التدخين خطية أم شبه خطية ؟
( لقداسة البابا شنودة )



دى خطية وخطية وخطية على الاقل 3 خطايا فى قلب بعض, خطية الإساءة إلى

صحتك وخطية إنك تحرق فلوسك بالنار وهى أموال أسرتك وممكن تنفق في الخير

والخطية التالتة إن إرادتك ضعيفة مش عارف تقاوم فدول 3 خطايا مش خطية واحدة

بيقول ماذا افعل وانا لست قادرا عن الاقلاع عن التدخين؟
.................................................. ........................

لا إضغط على نفسك وهتلاقي تقدر ؟هو هتتعب يوم ولا يومين وبعدين تاخد على

كدا,يوم أو يومين وإذا تعبت خدلك ملبساية , شغل بقك على الفاضى والمليان بأى

طريقة كدا,تنفخ في الهوا، يعنى تعمل أى حاجة ومجرد إنك تقول أنا مش قادر

أهى دى خطية , ليه إنت ما تبقاش قادر ؟! لماذا يأتيك هذا الضعف والعجز؟! وهل

تكون على صورة الله ومثاله وانت مش قادر؟! دا الرسول بيقول كل الأشياء تحل لى

ولكن لا يتسلط على منها شىء, يعنى إن لقيت بيتسلط عليك فنجان الشاى بطل

الشاى علشان لا يتسلط عليك, مش علشان حرام وحلال علشان مافيش حاجة

تتسلط عليك وارجعله بعدين لكن ما تخليهوش يبقى عادة , وانا مش فاهم إيه

المفيد في التدخين ؟ مش عارف؟! يعنى بيستفيدوا منه إيه ؟! دا أول واحد دخن

في العالم كان راجل من الأثرياء وخد دخان بينفخه, العبد بتاعه ـ كان أيامها فيه رقيق

ـ إفتكر إن سيده شاط فراح جاب جردل ميه ودلقه فوقيه علشان يطفيه من جوه