مقدمــة فى لغتنا القبطية

اللغة القبطية هي المرحلة الأخيرة من مراحل تطور اللغة المصرية التي تكلم بها وكتبها قدماء المصريين منذ أكثر من خمسة ألاف سنة. والرأي السائد لدى العلماء انها تنحدر من اللغة المصرية المتأخرة Late Egyptian مباشرة, حسبما كانوا يتحدثونها في القرن السادس عشر قبل الميلاد مع بداية الدولة الحديثة

ولكن العلامة شين M. Chaine يسجل رأيا جديدا في مقال له عن اللغة الوطنية الشعبية لمصر القديمة يؤكد فيه على ان اللغة المصرية واللغة القبطية كانتا متعاصرتين وموجودتين معا منذ أقدم العصور. ويقدم دراسة مستفيضة لقواعد اللغتين يستخلص منها ان اللغة المصرية لم تكن لغة تخاطب وإنها هي مأخوذة عن القبطية - ياعتبار ان القبطية هي الأصل - وقد صيغت بحيث يستخدمها الكهنة والكتبة فقط. وظلت معرفتها في دائرة الكتية فقط دون عامة الشعب


نشأة الخط القبطي

في بداية حكم اليونان لمصر فرض المستعمر كأي مستعمر لغته فانتشرت اللغة اليونانية
وكانت عاملة زي الانجليزي في وقتنا الحالى
وكان المصريين يكتبون بالحروف القديمة وديه صعبة شوية(بصراحة جدا) ونتيجة لاستمرار حكم اليونان وتعاقب ارومان لقى المصريين ان الحروف اليونانية اسهل وتعبر عن الاصوات بشكل اسهل
من الكتابة المصرية القديمة فبدأ يكتب لغته بالحروف اليونانية
وعمل حاجة كده زي الفرانكوعربي كده
وفي الاول مكنتش اللغة ثابتة او نظام كتابة الحروف ثابت
وكانت الحروف تكتب بطريقة مختلفة ويسمي العلماء المرحلة ديه القبطي القديم او البروتوقبطي

استعار المصريين سبعة حروف ديموطيقية لتعبر عن اصوات مش موجودة في اليوناني
وهي حرف شاي فاي خاي هوري جنجا تشيما دي

طبعا فيه سؤال ممكن حد يساله اللي هوه اليوناني فيه صوت الشين و الفاء والخا اللي استعروهم
المصرين من الديموطيقي طب ليه اصلا استعاروهم؟؟؟

الاجابة ببساطة لان بعض الحروف اليونانية لهااصوات مزدوجة يعني مثلا الفي ممكن تنطق به وممكن تنطق فه لكن الديموطيقي الفاي له نطق واحد فا فقط

بالنسبة لحرف الجنجا هو حرف قريب من الجيم المعطشة والدال ولا يوجد مقابله في العربي
و انا ملقتشي حد ينطقه صح لغاية دلوقتي غير الفنان محمد منير

اما حرف الهوري فهو ينطق ها او حا وحسب التقليد القبطي توجد كلمتان بس ينطق فيها ح
وهي طوبح=اطلب حالوم=جبنة وغير كده مش معروف والحروف ده شوية عليه كلام من علماء
اللغة علشان فيه ناس ترجح دخول صوت الحه من اللغات السامية وفيه ناس تقول ان صوت الحه صوت اصيل وده ممكن نفتح ليه موضوع لوحده
وبعدين نكمل

المحاولات الأولى للكتابة القبطية

إن أقدم وثيقة موجودة إلى الآن تسجل واحدة من المحاولات الأولى لكتابة لغة التخاطب المصرية بالحروف اليونانية (Proto Coptic) هي بردية هايدلبرج 414 التي ترجع إلى منتصف القرن الثالث قبل الميلاد. و تشتمل على قائمة لمفردات قبطية بحروف يونانية مع ما يقابلها في المعنى باللغة اليونانية. و هي مكتوبة بواسطة شخص يوناني. وربما سبقت هذه الوثيقة محاولات أخرى لم تصل الينا.

بدات في العصر الروماني وهي المعروفة بالكتابة القبطية القديمة Old Coptic وترجع وثائقها إلى المصريين الوثنيين الذين عاشوا في القرنين الثاني والثالث قبل الميلاد. وهي وثائق لا علاقة لها بالمسيحيين لأنها تتصل بالسحر والتنجيم بالإضافة الي لافتات المومياوات وما شبة ذلك

دور الكنيسة في تعميم استخدام اللغة القبطية
بالرغم من أن المحاولات الأولى للكتابة القبطية وكذلك أيضا الوثائق المعروفة باسم "النصوص القبطية القديمة" قد تمت بواسطة الجماعات الوثنية في مصر إلا ان الفضل في تثبيت الأبجدية القبطية في الوضع الذي تعرف به حاليا وتطبيع نظام هجاء الكلمات كان بواسطة الكنيسة المصرية في عهد البابا ديمتريوس البطريرك الثاني عشر 189 - 232 م وخلفائه.

ففي البداية كان الانجيل يقرا باليونانية ثم يترجم شفاهيا ولم يمكن كتابته بالديموطيقية بسبب احتوائها على الكثير من الرموز والمشتقات الوثنية. و لما زادت الحاجة إلى ترجمة مصرية مكتوبة للأنجيل أستخدمت الأبجدية اليونانية لهذا الغرض مع إضافة سبعة حروف ديموطيقية هما Ϣ Ϥ Ϧ Ϩ Ϫ Ϭ Ϯ وهي الكتابة التي تعرف بالقبطية. و مع انتشار ترجمة الانجيل بين الناس انتشرت معه اللغة القبطية وعم استخدامها. ومن بين أشهر المخطوطات القبطية التي ترجع إلى نهاية القرن الثالث وبداية القرن الرابع الميلاديين مخطوطات نجع حمادي الغنوصية

ألفاظ مصرية قديمة تترسب بلهجتها القبطية في حياتنا اليومية

كلمه زيطا: وتنطق مثل أحد الحروف القبطيه وتعني: الوحل.
البعبع =وتعني (العفريت) بالعربيه.
بخ: بمعنى شيطان.
هنثور= حصان ونحن نقول عربية حنطور أي عربة تجر بواسطة حصان
شوم إن نيسيم == بساتين الزروع.. شوم = بساتين، إن = الـ (اداة إضافة)، نيسيم == زروع
موؤو = ماء وقد تطورت لتصبح أمبو دلاله علي العطش.
كين (كِن) = كفي، يستخدمها الفلاحون بكثرة بمعني أهدئ.

تطوير وإصلاح اللغة القبطية

قام البابا كيرلس الرابع (1854 – 1856 م) بأصلاح اللغة القبطية نتيجة لإجحام اللسان العربي وتداخله مع اللغة القبطية فظهرت حروف جديدة بلسان المصريين كحرف الضاد والطاء والظاء والقاف والعين. وتسبب هذا في تغيير نطق بعض الكلمات القبطية مما أدي إلي ضرورة التدخل لإصلاح اللغة. واختفاء حروف كانت موجودة من قبل مثل حرف الدال (حرف الدلتا ينطق دال في أسماء الاعلام فقط وهناك كلمات قليلة جدا ينطق بها حرف التاف دال ماعدا ذلك لم يعد يوجد دال في اللغة القبطية)

انا لم اضف شئ القسم موجود بالفعل واشكرك للتشجيع وان شاء الله نكون عند حسن ظنكم
نعود الى الموضوع

نقطة مهمة جدا في اللغة القبطية وهو ان الحروف اليونانية المستخدمة في القبطي ملهاش دعوى خالص بنطق
اليوناني دلوقتي و مش كده وبس لكنه كمان ملهوش دعوى بنطق اليوناني وقت بدء استخدام الخط القبطي

مثلا حرف الثيتا هو اسمه تيته وينطق ته مش ثاء
حرف الكي وبالمناسبه هو مشابه احيانا في طريقة الكتابة في الحرف كبا هوضح الفرق بعدين
حرف الكي (او الشي او الخي) هو في الحقيقة حرف يمثل صوت غير موجود في اللغة العربية ولا اللغة المصرية
وهو مابين الشين والكاف والخاء ممكن نعتبره انه التلت احرف مع بعض
حد فاكر لعيب هولندي زمان اسمه رود خوليت؟؟ الخه اللي في اسمه هي نفس النطق للحرف كي
المصريون طبعا معرفوش ينطقوه زي اليونان عشان ده نطقوه كاف واحيانا شين او خه في الكلمات اليونانية
وديه نقطة تانية انه فيه كلمات يونانية كتيرة دخلت على القبطي احيانا كان المصريون ينطقوها كاليونان
ولو صعبه ينطقوها بطريقتهم
من الكلمات اليونانية اللي دلوقتي موجودة في العامية كلمة
استاد- بلغم و كتير

كمان نقطة مهمة جدا في تعلم اقبطي
ان طريقة كتابة القبطي تختلف عن طريقة اللغات الاوربية الحالية
يعني مفيش لا فراغات بين الكلام ولا حرف كبيتال ولا حرف صمول
لكن الكنيسة القبطية تستخدم الفراغات والحرف الكابيتال دلوقتي للسهولة
لكن زمان مفيش الكلام ده وطبعا لو حضرتك هتدرس قبطي مخطوطات ده هيتطلب منك مجهودات كبيرة

الحرف الكبيرة او الكابيتال كانت تستخدم لتزين اول القطعة فقط
زي حرف الالفه كان يرسم على شكل طائر وده له اصل مصري
علشان صو حرف الالفا يمثله طائر ( اخوم) في الكتابة الهيروغليفية

وعلى هذا معظم الحروف كان يتم تزين وزخرفة الحرف في بداية البرجراف

ونكمل بعدين

طبعا زي اي لغة هناك لهجات في القبطي
اشهر اللهجات ديه

اللهجة البحيرية وهي اللهجة الرسمية للكنيسة القبطية
وهي كانت منتشرة في الاسكندرية وبعض بلاد الوجه البحري

اللهجة الصعيدية وديه نقدر نعتبرها اللهجة الرسمية لعلماء القبطيات و المصريات
لانها فيها كثير من الكتابات الادبية وغيرها كمان بسبب انتشارها في معظم اقليم مصر
ومعظم الكلمات القبطية الموجوده في العامية دلوقتي صعيدي
زي اسماء الشهور-طوبه بالبحيري طوبي
حاللو=خاللو=شيخ
شنودا بالصعيدي بالبحيري شنودي

"اباه" وديه اداة تعجب و"اباي"

كمان حرف القسم "شا" زي ما بنقول شالله يا بدوي شالله يا عدرى

كمان ضمن اللهجات المهمة هي اللهجة الفيومية
وهي قريبة من الصعيدي لكن مع استبدال صوت الرا بصوت اللام

الفرق بين اللهجة البحيرية والصعيدية

البحيرى فيه حرف الخوري والصعيدي مفهوش وفيه بداله الهوري
الكلمات البحيري مكسورة اخرها بينما الكلمات البحيري مفتوحة اخرها
النون في البحيري تقلب الى ميم في الصعيدي
كمان توجد بعض الاختلافات الاخرى