ربنا عاوز يزورك النهارده فاضى ولا ناجل الزياره

في مرة حسيت إنك صرت لوحدك متروك ما حدا عم يفكر فيك ولا حدا عنده وقت يزورك؟ أكيد هالإحساس عشته بلحظة من اللحظات خصوصاَ إذا كنت مريض أو سجين
في ملك عظيم حب يزور مدينة خلال تلات إيام بيبعت خبر لأهل هالمدينة وبيبلشوا يحضروا حالن صاروا يزينوا الساحات ويفرشوا الطرقات ويعلوا قواس النصر وبقيوا شهر على هالحالة حتى تغيرت المدينة وما عادت معروفة بس وصل الملك ع الساحة بيستقبلوا كلن بالتصفيق والغناني والأناشيد وبيوقف أحد الخطباء وبيقول للملك خطاب طويل ومن بعده بيوقف أكبر وجهاء المدينة بيرحب يالملك بإسم الكل وبينهي كلمته وبيقول بيشرفنا يا جلالة الملك إنك تلتقي باليوم الأول مع النايب والوزير ودكاترة المنطقة وفخر إلنا إنك تلتقي باليوم التاني مع المهندسين والعلماء وعظمة كبيرة إلنا إنك تجتمع بتالت يوم مع الأساتذة والأطباء* كل الحاضرين بيصفقوا منتظرين كلمة من الملك بعد دقيقة صمت بيوقف الملك بيطلع بكل الحاضرين وبيقلن بشكركن ع إستقبالكم وتحضيركن بس زيارتي مش هيك رح تكون، حابب بأول يوم زور المرضى اللي ما عندن مين يهتم فيهن وباليوم التاني رح زور المساجين الموقوفين اللي ملفاتهن أكلتها الغبرة وما في مين يفكر فيهن وتالت يوم رح يكون مخصص لزيارة العجزة حتى إتبارك منن وهيك صارت زيارة الملك أكبر عيد لكل إنسان كان متروك وممحي إسمه
اليوم الله حابب يزورك فتح دينيك منيح حتى إذا سمعت الباب عم بيدق تقوم تفتحله وتستقبله ببيتك