كتاكيتو استيراد وكمان تصدير .

كتاكيتو عنده 12 سنه .مامته ربته بطريقه _ من وجهة نظرها طبعا _ ربته على معرفة كل حاجه.
أى حاجه . وتحول كتاكيتو من عشرى الى حشرى . فى كل حاجه . أى حاجه .
كتاكيتو ممكن يقعد مع الكبار ويسمع كلامهم . يتدخل فى مناقشتهم . مفيش حاجه ممنوعه على كتاكيتو .
مامته بتقول كده .كتاكيتو هو المستقبل فى تطوير الأطفال .كتاكيتو رمز لأطفال المستقبل .
تانت هنيه زوجة رجل الأعمال اللى مشارك بابا كتاكيتو جت زارتهم فى البيت .
كتاكيتو كان موجود مع ماما وتانت هنيه . ما أهو واحد كبير وبيفهم كل حاجه .
كتاكيتو فى لحظه معينه بدأ ينظر فى وش( وجه ) تانت هنيه بطريقه أحرجتها .ولدرجة أنها سألته :
بتبص على أيه يا حبيبى ؟؟؟؟؟؟؟؟؟؟
رد كتاكيتو وقال :بأدور على الوش التانى علشان ماما دايما بتقول تانت هنيه بوشين !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يا ترى نتصرف أزاى فى المطب ده .المشاكل بدأت بين بابا كتاكيتو وزوج تانت هنيه . وبين بابا كتاكيتو ومامته لأنه مربياه غلط . وكمان أبن تانت هنيه خاطب أخت كتاكيتو- بدأ يقول أن أم كتاكيتو هى اللى مفروض يتقطع لسانها وإلا الجوازه دى مش ها تم .
منتظرين الحل فى هذه المشكله .ممكن ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟